Paneer lovers ke liye sbse aachi dish hai Shahi Paneer jisse woh kabhi bhi bore nahi hote kyuki iska rich and creamy taste har kisi ko aacha lagta hai. Agar ek royal dish dekhi jaye jo ki shahi rasoiyon se aayi hai toh sabse pehla naam Shahi Paneer ka aata hai. Agar aap bhi soch rahe hai ki Shahi Paneer kaise banaye toh yeh post blog aapke liye hai.
Aap yeh Shahi Paneer ki recipe bina kisi fancy ingredients se ghar pe asani se bana sakte hai. Aaj hum aapko ek simple aur restaurant style shahi paneer ki recipe batayenge. Chalo dekhte hai Shahi Paneer Kaise Bnaye.
Shahi Paneer Banane Ki Samagri ( Ingredients)
Ingredients:
- Paneer-250 gram ( Cubes me cut ho)
- Tamatar- 2 Medium ( tamatar puree ya bareek kata hua)
- Adrak Lahsun ka paste – 1 Tablespoon
- Pyaz- 2 Medium ( bareek Kata hua )
- Dahi- 2 tablespoon ( aache se beat kiya hua)u
- Kaju-10-12 ( paste bana ke)
- Fresh Cream ya Malai -3 tablespoon
- Doodh-1/2 cup (optional ,gravy ke liye)
- Ghee ya Oil- 2 tablespoon
Masale
- Lal Mirch powder- teaspoon
- Haldi powder-1/4 teaspoon
- Dhania powder-1 teaspoon
- Garam Masala-1/2 teaspoon
- Namak- swad anusar
- Kasturi Methi- 1 teaspoon (hath se crush)
- Chini- 1/2 teaspoon
Shahi Paneer Kaise Banaye Uski Vidhi
Sabse pehle ek pan le usme ghee ya oil garam karein. Usme bareek kata hua pyaaz daal kar golden brown hone tak bhune. Uske baad isme tamatar ka paste aur haldi,lal mirch,dhania powder daale or is masale ko tab tak bhune jab tak yeh oil ya ghee chootne lage uske baad beat ki hui dahi ko daale aur continuously chalate hue 2-3 minute tak bhune.
Ab Kaju paste aur cream daal ke aache se mix kare todha sa dhoodh daal ke gravy ko smooth aur rich banaye. Sath hi todha sa namak aur thodi si chini daal ke mix kare.
Jab yeh sab ho jaye toh paneer ke cubes daal kar gravy me aache se coat kare or isse 5 minute tak bhune kam aanch par taki paneer gravy ka taste lele phir me garam masala and kasturi methi daale or 1 minute pakaye, fir gas band karde or aapka Shahi Paneer tayar hai.
Serve Kaise Kare
Aap Shahi Paneer ko lachha paratha, butter naan, jeera rice and ya phr roti ke sath serve kare. Agar aap todhi si cream or dhania patti daal le toh aapka restaurant style jaisa shahi paneer tayar hai.
Kuch Baate jo Shahi Paneer Kaise Banaye Waqt Diyaan Rakhe
- Kaju paste se gravy todhi thick and rich hoti hai toh isse skip mat kare.
- Dahi ko daalte waqt gas flame ko sim rakhe warna woh fat sakti hai.
- Paneer ko todha garam paani me bhigo kar soft bana le.
- Kasturi methi or cream best taste ke liye magic ka kaam karti hai.
Shahi Safar Ka Antim Padav
Shahi paneer ek aisi dish hai jo sabko bahut pasand hai or yeh har ek mauke pe jarur banti hai. Ab aapko pata lg gya Shahi paneer kaise banaye ghar pe. Homemade dishes mein jo pyaar aur fresh taste hota hai. woh kahin aur ni milta isliye aap isse ghar pe banaye apne andaaz me. Is recipe mein mazedaar taste,creamy texture aur royal touch sab kuch hai. Aap isse ghar pe jarur try kare or sabko impress kare.
Agar aapko yeh pasand aaya hai toh apne dosto ke sath or apni family members ke sath isse share kare and comment bhi jarur kare taki hume pta lage ki aapko yeh recipe kaisi lgi. Aur aachi recipes ke liye aap snackshef.com ke sath jude rahe.
Thankyou for reading shahi paneer kaise banaye and or aise recipes ke liye stay tuned.
